You are here
Home > Asia News > BIHAR ZU KHAP BURNA HIAN AWMZIA A NEI MAWLH LO!

BIHAR ZU KHAP BURNA HIAN AWMZIA A NEI MAWLH LO!

Bihar court chuan Bihar state-a zu khap burna dan sorkarin a siam chu dan palzutna, thil tihhlawhtlin tak tak theih chi ni si lo leh India Danpui kalh a ni tiin a hnawl fithla hlauh a ni.

He zu khap burna dan hi Chief Minister Nitish Kuma-a’n inthlana a chak theihna tura a vote zawnna hmarua mai a ni a, Nikum inthlan hnaih lai tak April thlaa he dan hi hmahmawh taka siam chuk chuk kha a ni  a, he dam siam hi Bihar rama nu ho chuan an lo thlawp țha mai mai khawp a, an kawppui an pasalte zu in hi an lo thununthei si lo ca, sorkarin inthlan dawna vote zawnna atana zu khap burna dansiam a han tiam chu an Haleluia nasa ta mai a, inching buaina leh kut inthlakna te hi a reh ruak turah an ngai a, reiteih pachiatna bawi atanga an talchhuah theih an beisei bawk a, an thlawp țha mai mai khawp a, CM Kumar phei chuan zu kharp burna hian Bihar ramah socialchange a thlentir a beisei thu a sawi hial a ni.

Nikum April thla ni 5 atanga Bihar state-a zu an khap bur hnu hian mi 13,000 lai chu zu avanga thiam loh chantirin thubuai an neih phah ta a, August thla khan zu chhia in avangin mi 13 laiin nunna an   chan phah ta bawk si a, Bihar court chuan   Bihar sorkar vote duh vanga zu a khap bur hi a dik lo tawp mai tiin a hnawl sak ta a ni.

Zu hi thil   a ni a, Gujarat leh Kerala state-ah te pawh an han khap bur tak naa awmzia a nei lem lo va, Mizoramah pawh hian phung zinga piring vawrh angin hralh a tla reng a, kohhran pawh hian  a beram rualte hi thlarau lam chawlhma tuikam leh hlo bet hring dup hmuhah hian  a hruai thleng thei mang mang lo a ni tih hi a chiang thawkhat hle a ni.

Similar Articles

Top