You are here
Home > Asia News > BIHAR CL XII TOPPER JAIL BANG A ZUT TA

BIHAR CL XII TOPPER JAIL BANG A ZUT TA

Bihar Class XII topper Ruby Rai, 17, chu court-ah a inlan hnu-in jail-ah dah luh a ni ta.

He zirlai naupang khawngaihthlak tak hi a kaikuang ni lovin a tuartu victim dik tak a ni. Chemtatrawta thawnthu ang khan a kaikuang chu han zawng dawn ta ila;

He zirlai naupang hian a pa hnenah II Division tala exam pass a duh thu a sawi a, a pa hian an sikul principal Bacha Rai a bia a, Bacha Rai hian a rukin Bihar Bihar School Examination Board chairman Lalkeshwar Prasad leh a nupui Usha Sinha a tham ta a, a thamna hi cheng nuai 4 lai niin an sawi a.

Tichuan,  Lalkeshwar Prasad leh a nupui Usha Sinha te chuan Bihar School Examination Board-a thawkte thurualpuiin Ruby Rai chu topper-ah a hlangkai ta a ni.

Tichuan a kaikuang ber chu Ruby Rai pa Avadesh Rai, principal Bacha Rai, Bihar School Examination Board chairman Lalkeshwar Prasad te bakah Bihar Education System te hi niin an lang a ni.

He thubuai chungchangah hian Bihar  School Examination Board chairman hlui te, an secretary te, an clerk te, principal Bacha Rai te tiamin min 20 lai man an ni tawh a, thubuai an siamsak tawh a ni. A kaikuang pakhat thamna pawisa petu ber Ruby Rai pa Avadesh Rai an sezawl chhuah hlauh thung.

Similar Articles

Top