You are here
Home > Asia News > BENGALURU BUAINAAH MI PAKHAT KAH HLUM A NI

BENGALURU BUAINAAH MI PAKHAT KAH HLUM A NI

BENGALURU BUAINAAH MI PAKHAT KAH HLUM A NI

Nizan Bengaluru-a mipui thinrim pungkhawmin Tamil Nadu lam lirthei an hal chiam avangin police-in mi pakhat an kap hlum.

karnataka-buses-set-on-fire-650_650x400_61473688504

Karnataka leh Tamil Nadu state te Cauvery tui inchuh thubuai kal zelah Supreme Court chuan Karnataka state hian Tamil Nadu tan Cauvery lui tui hi a pe tam tur a ni tih thupek a chhuah dun loh lantirna mipui pungkhawm chuan Tamil Nadu state lirthei reng reng an hmuh a piang an hal ta mai a, mipui thinrim pungkhawmte chuan , “ Tamil Nadu hnenah Cauvery luitui kan pe dawn lo va, thisen ka pe zawk dawn a ni” tiin an au rual dual dual a. Nizan khan Rajgopalnagar area, Bengaluru-a mipui thinrim leh police te innawrnaah mi pakhat kah hlum a niin mi dang pakhat kah hliam a ni bawk.

bengaluru-u10141039229rhd-621x414livemint
Cauvery lui tui inchuh buaina hi a rei tawh hle a, țhangkhat lian mai pawh ni tawh lovin țhang 5 lian a ni tawh hial awm e. India ram zalenna hmuhtirh atang khan buaina hi a inmun țan tawh a ni.  Cauvery lui hi Karnataka atangin Tamil Nadu-ah a luang lut a, Karnataka hian tuikuahte siamin huan leh leilet-ah an hmang tangkai hle a, an duh thuthala an han hman tak tak chuan Tamil Nadu hian chan alawi an nei thin lo va, court-ah an inkhingin an zualko reng mai a, kar hmasa mai  khan Supreme court chuan Karnatata hian nitin tui 15,000 cusecs Tamil Nadu tan a pe chhuak tur a ni tih thupek a chhuah a,a hnu-ah September ni 20 thlengin  nitin tui 12,000 cusec  a pe chhuak ziah tur a ni tih thupek a chhuah leh a, hei hian buaina zakhua a thlentir ta a ni.

tamil_nadu_topo_deutsch_mit_gebirgen

Bengaluru-ah hian boruak a la țang hle a, police 1,500 rual an duty mek a ni.

Lui tui luang tam lam tehna hi  cusec an ti a, “cubic feet per second” tihna a niin cusec 1 awmzia chu second khat chhungin tui  28.317 litres a luang tihna a ni.

Similar Articles

Top