You are here
Home > Asia News > BAWNGPUIIN A NO A NGAIHTUAHZIA LEH A HMANGAIHNA MAK HI!

BAWNGPUIIN A NO A NGAIHTUAHZIA LEH A HMANGAIHNA MAK HI!

BAWNGPUIIN A NO A NGAIHTUAHZIA LEH A HMANGAIHNA MAK HI!

Tin, heti hi a ni a. Bawng note, thla hnih leh a chanve-a upa chuan hliam a tuar a, a hliamah chuan sakawr-ek-hrik , tetanus a lut a, a dam lo ta a. Bawngneitu chuan a bawng note damlo chu Vetydamdawiina enkawl tura a kalpui lai chu bawngpui hian a um ta ngat ngat mai a, rilru a khawih duh khawp mai.   Hei hi  Karnataka hmar lam Haveri,  Jayaprakash Narayan Chowk-a January ni 25-a thil thleng a ni a.

calf-and-cow_650x400_51517234144

Haveri-a Vetty Doctor H D Sunnaki chuan, “Bawng note hi kan enkawl a, a dam viah tawh a, January ni 28 khan Vety damdawi in atangin kan chhuah ta e,” a ti.

He bawngpui, a note ngaihtuah em em chanchin atang hian ka naupan laia ka nu thawnthu min hrilh, ka rilru khawih em em leh ka mittui titla țhin ka hrechhuak zawk a.

Israel fate leh Philistia mite an indo va, Philistia mite chuan LALPA thuthlung bawm chu an laksak ta a, thla 6 an kawl chhung khan chhiatna chi hrang hrang leh ngawt natna-in a tlabuak ta chiam mai a, an mangang chuan Pathian bawm chu Israel fate hnena kir leh

dan an ngaihtuah ta. Bawngpui pahnih, a hnute sawrlai chu tawlailirah an bel a, bawng note chi in lamah an hruai hawsak a. LALPA bawm chu tawlailirah chuan an dah a. Tin, bawngpuite chuan Beth-semes lam panin kawng an zawh ta ngat ngat a; tichuan bu chung zelin kawngpui chu an zawh a, ding lamah emaw vei lama emaw an pêk hlek lo va; tin, Philistia lalte chuan Beh-semes ramri thlengin an zui a. Bawngpui note ngaia bu chung zela an kal ngat ngat lai tak kha ka rilru khawih lai ber maia chu a ni a.

 

I Isaia; 6:1      Tin, LALPA bâwm chu Philistia mite ramah chuan thla sarih a awm a.

6:2,      Tin, Philistia mite chuan, “LALPA bâwm chu engtin nge kan tih ang? A awmna

pangngaia kaltir lehnaziamin hrilh teh u khai,” tiin puithiamte leh aienthiamte an ko va.

6:3       Tin, anni chuan, “Israelte Pathian bâwm hi in kaltir dawn pawhin a ruak chuankaltir hauh suh u, a hnênah bawhchhiat thawina hlan ngei ngei rawh u, tichuan tihdamin in awm ang a, tin, eng tiaa a kut chu a sawnsak loh che u nge ni tih in hriaang, ” an ti a.

6:4       Chuti chuan anni chuan, “A hnênah kan bawhchhiatthawina hlan tûr chu engnge ni

            ang?” an ti a. Tin, anni chuan, “Philistia lal zatin rangkachak ngawt lem panga leh

rangkachak chaichim lem panga; in zaa chunga hri leng leh in lalte chung leng chu hmun khat a ni si a.

6:5       Chuvangin in ngawt lemte leh in ram tichetu chaihim lemte siam ula; tin, Israelte Pathian chu chawimawi rawh u, tichuan a kut chu in chungah te, in pathian leh in ram  chungahte a tizang duh mahna.

6:6       Aigupta mite leh Pharoan  rilru an tihkhauhang khan engati nge in rilru in tihkhauh ni?An zinga thil mak taka a tih khan mie chu an kaltir a, an chhuak ta ani lâwm ni?

6:7       Chuvangin tunah hian tawlailir tharbuatsaiula, bawngpui pahnih, a hnute sawrlai,

nghawngkawl la bel ngai hauh loh nen; chung bawngpuite chu tawlailira chuan bel ula, tin, a note chu in lamah rawn hruai hawnsak rawh u.

6:8       Tin, LALPA bâwm chu la ula, tawlailirah chuan dah ula; tin, bawhchhiat thawi nana in hlan rangkachak thil hlu chu  thingremah kungin a sirah dah ula, kaltir ula, thlah mai rawh u.

6:9       Tichuan amaha ramri lampang kawng zawhin Beth-semes-ah akal emaw ent eh u, a

kal chuan kan chunga thil tha lo tak hi ama tih a lo ni ang a; a kal loh chuan min hrem chu ama kut a lo ni lo tih kan hriat a, kan chungah a lo awm ve hrim mai a ni ang,” an ti a.

6:10     Tin, mite chuan chutiang chuan an ti a: bawngpui, a hnute sawrlai pahnih an hruai a, tawlailirah chuan an bel a, a note chuin lamah an khung a:

6:11     Tin, LALPA bâwm chu tawlailirah chuan an dah a, rangkachak chaichim lem leh

            ngawt lem dahna thingrem nen.

6:12     Tin, bawngpuite chuan Beth-semes lam panin kawng an zawh ta ngat ngat a; tichuan bu chung zelin kawngpui chu an zawh a, ding lamah emaw vei lama emaw an pêk hlek lo va; tin, Philistia lalte chuan Beh-semes ramri thlengin an zui a.

6:13     Tin, Beth-semes khuaa mite chuan ruamah hian an buh an lo seng a, an hawi chho va, bâwm chu an han hmu a, an lawm hle ta mai a.

6:14     Tin, tawlailir chu Beth-semes khuaa mi Josua lovah chuan a lo lût a, lungpui lian tak awmna laiah chuan a ding ta reng a; tin, tawlailir thing chu an ek a, LALPA biak nan bawngpuite chu hâlral thilhlanah an hmang ta a.

 

Tin, heti hian ka ngaihtuah; Tunlai nu leh pa te hian kan fate hi Bible thawnthu te hi kan hrilh hman tawh meuh em le? Laiking no neih an sawi hi kan ang awm te ka ti a.  Kan naupan laia Bible thawnthu min lo hrilhte kha ka theilhnghil  ngai lo va, ka nun kaihruaitu an lo ni ta reng mai.  

Nu pakhat chuan an pastor hnenah, “ Ka pu, ka fa chu kum 4 a lo tling ta a, eng angin nge kan zirtir ţan ang le?” tiin a zawt a. Pastor chuan, “ Ka pi, I lo la zirtir ngai hlek lo a nih chuan, kum 4 zet hun rangkachak a lo thlawnin a paih boral sak ta a nih chu le! A rawn nuih theih tirh atang khan I tan zirtirna remchang a awm nghal alawm!” tiin a chhang a. Nikhua an hriat theih hma atang khan zirtir tur an lo ni; nungchang, chetzia leh khawsak dana entirin. Hla pakhat-in, “ Naupang hi puitling pa a ni zawk” (The phrase “The Child is the father of Man” first appeared in a poem, “My Heart Leaps Up”by William Wordsworth in 1802) a tih angin, puitlingin a rawn ţhanelnpui chu naupan lai mizia, thinglunga zung kai kha a ni fo. Zing ni chhuah danin khua a rawn rel angin.

Nausen tak chuan ni tin hi khawvel thar a ni a. A hmasa berin en vel ngawt chu a tih theih tawk a ni a, tin, a rawn hmufiah thei a, a rawn zir ţan thei a, a hmuh leh a hriatte chu a rawn khawl khawm ta a ni. I khawlkhawm tir te a ţhat chuan a ţhang lian ţha ang a, a thil hriat a khawl khawma kha a ţhat loh chuan a ţhang lian sual ang. Hmangaihna lanna inchhung, fing taka relbawl in chhung, ngilngeihna leh dawhtheihna in chhung atang chuan mi hmantlak, mi tilawm thei, mi thiltithei takte an lo chhuak ang.

Hmanlai Grik mite chuan, “ I sal kutah I fa chu dah teh, sal pakhat mai ni lovin, sal pahnih nei I ni mai ang,” an ti mai a ni.

George Herbert chuan, “ Nu ţha tak pakhat chu zirtirtu zakhat tluk a ni,” a ti. Thu lova nundana zirtirna hian lei aiin a sawi tam fo thin. Mi ropui Duke of Wellington te, John Wesley leh Charles Wesley te, Ar Scheffer te hi an nute enkawlna tha an dawn vanga mi ropui lo ni ta an ni a.

English mi hmingthang leh hla phuah thiam ropui Lord Byron thung chuan a insum theih lohzia leh a huatthu chhiatzia te chu a nu thin chhiatzia, mahnu dungzawng chauh tilui tlat mileh rilru mumal nei lo mi a nihzia atanga a lak a ni thung a. A naupan lai hian a nu hian a tiduhdah hle thin a, a piansualna, a ke bai chu hmusit takin a hau vak vak thin a. Chutianga enkawlna hnuaia seilian a nih avangin a puitlin hnuah pawh ropui hle mah se, mi khawngaihthlak tak a lo ni a, a hla pakhat-ah pawh a naupan laia a nu zirtirna, tûr anga amah leh a nun fantu chu a lang chiang hle a, heti hian a ti:

“Untaught in youth myheart to tame,

My springs of life were poisoned”

Naupan laia rilru khawi ngam ngai loh, ka nunna tui hnar chu tûr pawlh a lo ni, a ti ta hial a ni.

Khawtlang ţha leh thlamuang, kohhran chak awm thei turin a lera ţhuai mai hi a tawk lo, a bul ţhut pawimawh ber chhungkua atangin bul kan ţan tur a ni a, LALPA laka kan rochan kan fanau te hi i ngaihsak teh ang u.

 

Similar Articles

Top