You are here
Home > Sports > BAWNG KAWLHIN VICTOR BARRIO SI HLUM

BAWNG KAWLHIN VICTOR BARRIO SI HLUM

Nizan khan Victor Barrio, 29, professional bullfighter (matador) chu Spain ram khaw chhak lam Teruel khua-a bullfight-ah bawngin a si hlum.

He bull fight hi TV-ah LIVE-in an pek chhuah laia chetsualna hi thleng a ni a, bawng hian matador hi sang takah a vawrh hnu-in a ăwm ding lamah tak bawng ki zum tak hian tlum thawih khawpin a si hrawih a, a thi  ta a ni.

Nimin vek khan Valencia khaw bul Pedreguer-a bull run, bawng kawlh inumtir an neih laiin kum 28 mi, mi pakhat chu bawngin a si hlum bawk.

Spain ramah hian kum tin bullfight 2000 lai a awm ziah thin a,  a tlem tial tial ta zawk a, Canary Islands leh Catalonia region te chuan bullfight hi an lo khap tawh a ni.

Bullfihgt duh lo pawl chuan khap an duh thu an tlangaupui fo thin a, hetiang mihring leh ran inbeihna hi a atthlakin a rawva lutuk an ti a, a duh pawl thung chuan hmakhawsang atanga Spain hnam ziarang ancient art form a ni e an ti ve tlat thung a ni.

Similar Articles

Top