You are here
Home > Sports > BARCELONA CLUB-IN MESSI THLAVANG HAUH

BARCELONA CLUB-IN MESSI THLAVANG HAUH

FC Barcelona chuan court-in Leo Messi  te pafa a hrem  danah an thlavang hauhna thuchhuah an siam a, Messi leh a pa tax fraud chungchang thubuaia an convict  hi dik theiin kan hre lo va, Spanish tax office nen insiamrem tawhin corrective payment an pe fel tawh a, chuti chung pawha an la convict hi hriatthiam har kan ti a, Messi leh a pa hi FC Barcelona chuan a thlawp tlat dawn a ni, an ti.

Messi te ukil chuan Barcelona court verdict hi Spanish supreme court-ah appeal a tum thu a sawi a, hneh ngei pawh a inbeisei thu a sawi a ni.

Messi te pafa hi chhiah awl ruk thubuai 3-ah court hian thiam loh a chantir a, hemi hma hian an chhiah awl ruk ang hu €5m chu Spanish tax office-ah corrective payment angin an lo chhunglut leh tawh a ni.

Messi hian sum a hui lut hnem hle a, Barcelona atang ngawt pawh hian kumtin €36m a la lut ziah a, sum hi €315m vel la lut tawh niin Forbes magazine chuan a chhutsak a, khawvela infiam mi sum lalut hnem 10-naah an dah a ni.

  • Messi hian khawvela football khel thiam ber chawimawi na Fifa Ballon d’Or vawi 5 a lo dawng tawh.
  • Uefa best player atan vawi 3 thlan a ni tawh.
  • FC Barcelona hi  Uefa Champions League-ah  vawi 4 a champion-pui tawh.
  • Spanish championship –ah FC Barcelona hi vawi 8 a champion-pui tawh.
  • 2008 kum khan Argentina chu  Olympic gold medallist a nihpui tawh.
  • Argentina’s all-time leading scorer niin a ram tan goal  55 a thun tawh.
  • June 16 2016: Copa America final-ah penalty a hlah a, Chile an hneh loh avangin international football a chawlhsan thu a puang.

Barcelona court chuan nimin khan Argentine Messi, 29,  hi chhiah awl ruk chungchang thubuaiah thiam loh chan tirin  thla 21 jail tang tur leh  lei €2m euros (£1.7m; $2.2m) chawi turin a chungthu a rem a, a pa Jorge Messi pawh €1.5m chawi turin a ti bawk a ni.

 

Similar Articles

Top