You are here
Home > Zoram > BANGLADESH MINISTER IN ARTS & CULTURE HMUN PAWIMAWH A TLAWH

BANGLADESH MINISTER IN ARTS & CULTURE HMUN PAWIMAWH A TLAWH

His Excellency. Mr. Muhammad Nazzrul Islam, Bir-Protik, MP, Hon’ble Minister of Ministry of Water Resources, Government of the People’s Republic of Bangladesh tuna Mizoram rawn tlawh mek chuan vawiin khan Art & Culture Department hmun pawimawh zing a mi Zokhua (Typical Mizo Village) Falkawn leh Mizoram State Museum a tlawh.

museum_4_1475750728

Mr. Muhammad Nazrrul hian Zokhua Falkawn hmun a tlawhnaah mizo te invawnfaina leh uluk taka an hmunhma an enkawl tlawh theia a awm chu lawmthu sawiin ram thenawma mizo hnamte lo khawsak dan thin te, an ram an lo inrelbawl dan tha tak tak te, an nunphung tha tak takte ziarang a taka a hmuh theih avangin lawmawm a tih thu a sawi a. Mizo Lalten khua leh tui an enkawl dan te leh Zawlbuk hmanga mizote nunphung inzirnate chu hriatreng tlak a nih thu a sawi bawk.

museum_3_1475750726

Mizoram State Museum a tlawhnaah ‘ Mizote pipute nun dan phung leh an hmanrua te a hmuh atangin culture ropui tak a nih thu a sawi a, chutiang tarlang thei museum ropui tak leh fai tak, uluk taka enkawl a tlawh thei chu lawmawm a ti a, mizote history leh an nunphung hriatna hian nasa takin kan in unauna leh kan inpawhna a tihngheh a, inkungkaihna tha zawk min siamsak a beisei thu a sawi.

museum_2_1475750723

Mr. Muhammad Nazrrul hi Pu Lalchuailova, Museum Curator, Art & Culture Department leh a thawhpui ten an lo dawngsawng a, thilpek hlu tak mizo hnam ziarang lanna an lo hlan. Bangladesh Minister hi Mr. Zokey Ahad, Deputy High Commissioner for Bangladesh chuan a tawiawm bawk a ni.

museum_1_1475750721

WRITTEN BY K. KALDINGLIANI MIS, IPRO

DATED: 6TH OCTOBER 2016, 4:15 PM | LANGUAGE: MIZO

 

Similar Articles

Top