You are here
Home > Asia News > BALI THLIARKAR TLANGKANG ATANGIN MEIKHU PHUHCHHUAK NASA

BALI THLIARKAR TLANGKANG ATANGIN MEIKHU PHUHCHHUAK NASA

BALI THLIARKAR TLANGKANG ATANGIN  MEIKHU PHUHCHHUAK NASA

Indonesian ram Bali thliarkara tlangkang Mount Agung chu kum 50 hnu-ah  meikhu a phuhchhuak leh ta.

_98848456_devingray5

He tlangkam puak leh tur hi mithiamten an lo hrilhlawk avangin thla eng emaw zat kal ta atang khan mi 140,000 lai chuan he tlang chhehvela an chenna in leh lo chhuahsanin hmun him lamah an lo insaseng tawh a ni. He tlangkang atang hian meikhu a chhuk nasa a, meikhu zam hi feet 2300 laia sang a ni.

Kum 1963-a he tlangkang puak kha a rapthlak kawp mai a, mi 1600 laiin an thih phah a, kum 1883-a Krakatoa tlangkang puakah khan mi 40,000 lai an lo thi tawh bawk a, Indonesia ramah hian tlangkang a tam a, tlangkang ram an ti hial bawk thin a ni.

magma
magma

Indonesia national disaster agency aiawh thupuangtu chuan tunah hian Mount Agung tlang chhungrilah hian Phreatic eruption a insiam mek a ni a ti a. Chumi awmzia chu lei chhungrilah hian rawhtuina mei aia sa lung sa lutuk, magma  avanga lung tui sen ling huam hlir hian a khat a. Chu lung tui sa lutuk chuan  lei kawrawng atangin khawmuala rawt phit chhuah a tum reng a. Phit chhuhna lei kawrawng a awm mai si loh avangin lei chhunga tui awm chu a tiso ta vak mai a. Chu tuiso chu tlangkang lei hnip deuh atang khan khawmualah tuihu leh meikhu angin a rawn putchhuak ta chiam mai a ni.

Phreatic eruption lei chhung ril sa lutuk avanga tuihu, meikhu leh meivap rawn phuhchhuak hi a ni. 

LAVA
LAVA

Chutianga magma sa lutuk pressure cooker chunga pressure ang khan pressure cooker-a a phitna ang kawrawng a awm loh chuan pressure cooker hlui lutuk tawhte a puak dur ang khan tlang chhunga lung tui sa a satna khan 1,170 ° C te a thlen chuan  a tlang chawpin a tipuak durin a phindarh vek  thei a ni. Tlangkang atanga lung sa lutuk tui sen vam huam lo luang chhuak hi ‘lava’ an ti a ni.

Phreatic eruption
Phreatic eruption

Kumin August thla atang tawh khan he tlang Mount Agung chhung atang hian ri a awm reng a, a chang chuan rial rum an tih angte hian a ri a, lei hi a nghing der der reng bawk a.

Indonesia ram hi Pacific “Ring of Fire” an tih mai chunga innghat a ni a, a innghahna lei chhung rila tectonic plate te a a cheta a insut khan lirnghing leh tlangkangte a awmtir ta thin a ni.

He tlangkang tur inṭhamlawk vel avang hian Bali thlairkarah khualzin an tlem phah hle a, an sum hmun tur pawisa $110m (£83m) vel an  hmuh loh phah tawh niin  Bali tourism department chuan an chhut a ni.

http://www.bbc.com/news/world-asia-42070362

 

Similar Articles

Top