You are here
Home > Zoram > ART & CULTURE MINISTER PU R. ROMAWIA’N PAINTING WORKSHOP HAWNG

ART & CULTURE MINISTER PU R. ROMAWIA’N PAINTING WORKSHOP HAWNG

ART & CULTURE MINISTER PU R. ROMAWIA’N PAINTING WORKSHOP HAWNG

 

20161018_155745_1476786027

Vawiin chawhnu khan Aizawl DIET Committee Room ah Art & Culture Minister Pu R.Romawia chuan ni 5 chhung awh tur ‘Artist in Residency in Painting & Painting Workshop’, Lalit Kala Akademi Regional Centre, Kolkata, Art & Culture department leh Mizoram Tribal Art & Craft society(MizTACS) te tangkawpin a buatsaih chu a hawng.

img_20161018_142659

Art & Culture Minister Pu R.Romawia chuan Mizo pi leh pu ten thangthar te hmuhtheih turin lemziah ropui tak leh Mizo History chhui theihna tur hnutchhiah an neih tam loh thu a sawi a. Kutthemthiam thil leh hmangchang tam tak, thangthar ten an nitin nuna an hman tangkai chi leh an hnathawh ti awlsam tur atana hman theih erawh an zirtir a ti a. “Khawvel changkang chho zelah Mizo te chu midang te hnen atanga inzir chak tak kan ni a, rimawi ah phei chuan midang aiin kan hniam tawh bik lo. Lemziah huangah erawh chuan tan kan lak nasat a ngai a; kum za tam tak a liam hnuah pawh Mizo hnam nunphung leh tuna kan khawsak dan te hi miten enlet dawn ta se, kan lemziak thiamte kuthnu thlir hmasak a la ni dawn a ni”, tiin lemziak chu history chhuikir nan pawh a tangkai thu a tarlang. Art & Culture Minister Pu R.Romawia chuan khawvelah lemziaktu ropui tak tak, an lemziah te pawh tunthlenga khawvelin mawi a tih leh a ngaihsan, sum taktak pawh a lei hleih theihloh hmuhtur a awm a. Khang lemziakthiam te khan an lemziah hun lai khan sum leh pai chhutin lem an ziah a rinawm loh tiin lemziakthiamte chu sum ringawt hisap lova an tuizawng te chhunzawm zela khawvelah hnutchhiah ropui neih tum turin a chah.

Pu Rosiamliana Ralte thu sawi lai
Pu Rosiamliana Ralte,Secretary, Mizoram Art & Craft Society  thu sawi lai

Artist in Residency in Painting & Painting Workshop hawnna programme hi Pu R.Hmingthanzuala, Director, A&C in a kaihruaia. Pu Siddhartha Ghost, Regional Secretary, Lalit Kala Akademi, Kolkata pawh in workshop an neihchhan leh an kalpui dan tur te a tarlang a. He Workshop ah hian Artist, 1. Pu Lalrohnuna Ralte, 2. Pu Vanlalhriata, 3. Pu V.Lalzawmliana, 4. Pu Lalrinliana, 5. Pu C.Lalbiaktluanga, 6. Pu R.C. Lalramchhana leh 7. Pu V.Laltlanmawia-te’n lemziakthiam Pu Samindranath Majumdar hovin an kutchhuak inkawhhmuhna leh lemziakna hunte an hmang ho dawn a ni.

Lalnuntluangna Hnamte thu sawi lai
Lalnuntluanga Hnamte, Principal, DIET, Aizawl thu sawi lai

Written by Malsawmsanga MIS, IPRO
DATED: 18th October 2016, 3:50 PM | LANGUAGE: MIZO

Zopuii thu sawi lai
Zopuii thu sawi lai

He Painting Workshop Hawnna hi ka chhim ve a, Siddhartha Ghost, Regional Secretary, Lalit Kala Akademi, Kolkata thusawi kha ka ei khawp mai a, Art hi thil kan hmuh dan perception kan phochhuahna hi a lo ni mai a, kan thil thlir dan, kan tarmit bun leh kan khawthlirna kan kawtchhuah atang ringawt chuan kan thil hmuh leh hriat hi a lo inang put thin a, chuvangin mi dang, mi thiam zawkte nan interaction kan neih hian kan khawthlir te a lo zauvin a lo sang zawk thin a, chuvangin Lalit Kala Akademi chuan India ram pum huapa lemziak lam hmasawn nan khawthllir zauna dawhsan kan siam thin a, Mizo lemziakthiamte nen pawh kan thawkho fo thin a, kan hlawkpui hleiin kan hria a, Mizo nuna thil mawite kan haichhuah, explore  thiam a, India ram leh india ram pawm tlenga kan pholan,expose  hi kan lungkham leh kan mawhphurhna a ni, a ti.

Published by Familia Fanai Laltansanga
Dated; the 18 October 2016 | Aizawl

Siddhartha Ghost, Regional Secretary, Lalit Kala Akademi, Kolkata
Siddhartha Ghost, Regional Secretary, Lalit Kala Akademi, Kolkata
Lemziak thiamte
Lemziak thiamte

Similar Articles

Top