You are here
Home > World News > ARSI THI TUR PUAK LAI HUBBLE TELESCOPE IN THLA A LA FUH

ARSI THI TUR PUAK LAI HUBBLE TELESCOPE IN THLA A LA FUH

Khawvel leh van thenrenga thil engkim mai hi kum hlun chatuana thil an lo awm lo va, arsi te pawh hi an lo thi ve thei a ni.

The Hubble Telescope chuan arsi thi tur puak lai thla a la fuh a, hetiang thil hi thil vang tak, van sang chanchin zir mite, astronomers te pawhin an hmuh zen zen loh thil mak a ni.

Arsi thi tur hi red giant an ti a, a thih dawn hian van kai chaw an tih ang deuh hian nasa takin eng a phuhchhuak a, boruak tam tak leh vaivut ang hi a phutchhuak ta vak thin a, chutianga a puah keh hnu chuan arsi ni tawh lovin planetary nebula an tih angah hian a lo chang ta thin a ni.

NASA leh the European Space Agency te chuan he arsi thi tur inphuhchhuak thlalak the Calabash Nebula thlalak hi an tlangzarh thei a, boruak a phuhchhuah chak zawng hi darkar khatah mel 621,371 lai niin ESA, the European Space Agency chuan an chhut a ni.

Hetiang arsi thi tur puak darh hi mit khap kar leka thil thleng a niin thlalak fuh a har hle thin niin ESA chuan an sawi a ni.

He arsi puak kehah hian Sulphur a tam em em mai a,  artui chhe rim a nam avangin the Rotten Egg Nebula an ti bawk a, hetiang thil thleng hi kan chenna leilung atangin eng kum 5000 vel laia thil thleng a ni a, khawvel atang chuan artui chhe rim pawh kan hre pha meuh lo niin CNN Madison Park chuan a sawi a ni.

http://edition.cnn.com/2017/02/07/world/hubble-star-death-nebula-trnd/index.html

Similar Articles

Top