You are here
Home > World News > ARGENTINA TUIHNUAI LAWNG CHIN HRIAT LOHVIN BO

ARGENTINA TUIHNUAI LAWNG CHIN HRIAT LOHVIN BO

ARGENTINA TUIHNUAI LAWNG CHIN HRIAT LOHVIN BO

Argentina sipai thuneitute chuan Zirtawpni khan an tuihnuai lawng pakhat ARA San Juan submarine chu ni hnih lai an biakpawh theih tawh loh thu an puang a, he tuihnuai lawngah hi  crew 44 an awm a ni.

ARA San Juan submarine
ARA San Juan submarine

He tuihnuai lawng hi diesel hmang, metre 66-a sei Class TR 1700 San Juan a ni a, kum 1985 khan Germany hnen atangin Argentina hian a lei a, kum 30 lai an hmang tawh a ni.

US, UK leh  Chile ramte chuan satellite leh an lawngte hmanga tuihnuai lawng bo hi an zawnpui tur thu Argentina thuneitute an hriattir tawh a, NASA pawhin an thlawhna ţha chi, Lockheed siam P-3 Orion aircraft hmangin an zawnpui tur thu an puang tawh a ni.

P-3 Orion aircraft
P-3 Orion aircraft

He tuihnuai lawngah hian hmeichhe officer pakhat Eliana Krawczyk, kum 35, weapons officer a tel ve a, a pa Eduardo chuan, “ Heng lawng chhunga crew 44 te hi eng em an ti lo turah beisei phawt mai ila, I tawngtaipui ang u,” a ti a ni.

Similar Articles

Top