You are here
Home > Asia News > ARAKAN ROHINGYA SALVATION ARMY (ARSA) HIAN ISLAMIC STATE DIN AN TUM – MYANMAR HOME MINISTER

ARAKAN ROHINGYA SALVATION ARMY (ARSA) HIAN ISLAMIC STATE DIN AN TUM – MYANMAR HOME MINISTER

ARAKAN ROHINGYA SALVATION ARMY (ARSA) HIAN ISLAMIC STATE DIN AN TUM – MYANMAR HOME MINISTER

Vawiin khan Myanmar Home Affair Minister Lt-Gen Kyaw Swe chuan, tun hnaia Arakan Rohingya Salvation Army (ARSA)te’n Myanmar police outpost leh sipai camp an beihna chhan chu Rakhine State-a Maungdaw leh Buthidaung district-ah te hian Islamic state din an tum vang a ni, a ti.

Capture11 copy

Myanmar Home Affair Minister Lt-Gen Kyaw Swe leh national security adviser U Thaung Tun te chuan vawiin khan National Reconciliation and Peace Center, Yangon-ah khawvel ramdang palaite leh UN agency hotute hnenah tunlai Rakhine rama indona leh buaina  chungchang an hrilhfiah a ni.

Capture1 copy

U Thaung Tun chuan August ni 25-a police outpost leh sipai base pakhat beih a ni kha a lungchhiatthlak a, Myanmar sorkar tan chuan kha Zirtawpni kha Black Friday a ni, a ti a, ARSA te’n hriamhrei leh ralthuam hmanga tharum an thawh ta mai hi Myanmar ram tan chauh ni lovin a chhevel ţhenawm ramte tan pawh ralkhel dar an vua a ni hrim mai a ni, a ti a, ARSA  hian ram lak an tum ber a ni, a ti bawk.

ra copy

Brig-Gen Win Tun chuan ARSA te kutah hian mi 63 an thi tawh a, chin hriat lohva bo mi 37 pawh hi an kutthlak vanga thi an nih hmel hle a ni, a ti.

Capture13 copy

Brig-Gen Win Tun chuan ARSA te’n Maungdaw hmar lama Mro hnam lo nei mi 6 an thah kha helai chheh vela ram leilung fate rikrapa ram ruaka siam an tum tih a lang chiang em em a ni, a ti bawk.

Capture23 copy

Lt-Gen Kyaw Swe chuan, Myanmar police te leh sipaite hian ram leh hnam venhim hna pawimawh tak an thawk mek a, a tih tur dik tak chu dan leh thupek, code of conduct & law zawm fel thlapin an ti mek a ni, a ti.

Similar Articles

Top