You are here
Home > World News > ARAB LEAGUE IN DONALD TRUMP THUPUAN DEM

ARAB LEAGUE IN DONALD TRUMP THUPUAN DEM

ARAB LEAGUE IN DONALD TRUMP THUPUAN DEM

Arab ram 22 inzawmkhawm Arab League foreign minister-te Egypt ram khawpui Cairo-a inhmukhawm chuan thuchhuah siamin US President Donald Trump-a’n Isreal ram khawpui atan Jerusalem a pawmpui chu na taka an dem thu an puangchhuak a, he Donald Trump-a thupuan avang hian Middle East-ah tharum thawhna rapthlak tak tak leh buaina zakhua a thlentir ta a, US hian ţan lam a nei tih buichhia laih lohvin a inpuang a ni, an ti.

6a91368f7a1558be8f43255c0f3058d2

 

Arab League ram zingah hian America ai hnah phahpui United Arab Emirates, Saudi Arabia leh Jordan ramte pawh an tel a ni.

171208115453-02-cnn-bethlehem-1208-exlarge-169

An thuchhuah pawimawh zualte chu;-

  • Donald Trump hian Jerusalem chu Israel ram khawpuia a pawmpui thu a puang tak avangin Israel leh Palestinian inremna tur kawng dapa inbiaknaah US hi a tel a thiang tawh lo a, a thupuan  avang hian Israel leh Palestinian inremna chungchangah a kut a silfai ta tihna a ni.
  • Trump-a thupuan hian boruak a tisosang a, thirimna mei a chhemalh a, Middle East hi tharum thawhna leh buai nuai nuaina hmunah a thlen ta a ni.
  • Donald Trump thupuan hi UN Security Council-in na taka dem turin UN Security Council hnenah ngenna thehluh nise, tihte a ni.

Zirtawpnia UN Security Council meetingah khan member 15 zingna 14 te-n Donald Trump thupuan an dem thu an sawi vek a, demna thuchhuah erawh an siam lo a ni.

USA-TRUMPISRAEL-UN

Inrinni khan Israel Prime Minister Benjamin Netanyahu a ţawngchhuak a, President Trump thupuan demna chu mitdelte hriat tham khawpin a ringin a thangkhawk rum rum a, Israel ram chhung rocket-a kahluh  chungchang chu tu mahin an dem thu an sawi ka hre miah lo mai, a ti.

 _99103749_jerusalem_quarters_map_english640-nc

Jerusalem khawhlui East Jerusalem hi Jordan ram chhunga awm thin a ni a, kum 1967 kum ni ruk indonaa khan Israel hian a la a, kum 1980 khan a luah nghet ta a ni.

_99142424_fc59e7d3-a885-4e85-bf08-510a3c8ee59a

He East Jerusalem-ah hian Palestinian mi 330,000 an awm a, Juda mi 200,000 an awm a, kum 1993-a Israel-Palestinian peace accord-ah chuan Jerusalem chungchang hi Israel leh Palestinian te inbiak rem dan a zira sawifel tura an dah a ni. Kum 2014 kha Israel leh Palestinian te inbiakna hnuhnung ber chu a ni rih a, mutan an nei a, inbiakna an nei chhunzawm thei ta rih lo a ni.

 

Similar Articles

Top