You are here
Home > World News > AR MAK DANGDAI 12

AR MAK DANGDAI 12

AR MAK DANGDAI 12

Nimin khan England ram Telford khuaah The Poultry Club of Great Britain huaihawt UK National Poultry Show neih a ni a, khawvel ramhrang rhang atangin ar chi hrang hrang 7000 lai entir a niin Mizote’n kan lo la hmuh ngai loh ar te pawh a lo awm a nih hi. The Poultry Club of Great Britain hian poultry an tihah hian ar chauh ni lo, varak, vatawk leh sai-ar te pawh an telh vek a, a chi hlang humhalh duh pawl an ni.

A White-Crested Poland
A White-Crested Poland

India ramah chuan Dr. Banda Vasudev Rao  hi father of poultry farming in India  tih hial a ni a, a hmalakna te avangin India ram pumah  poultry  revolution a rawn siam a, arsa leh artui kan hnianghnar phah ta hle a ni. National Egg Coordination Committee (NECC) katlangin keini ram kilkhawr takah pawh artui man tlawm takin kan lo lei theih phah a, Pune centre railway station bula hotel velah khuan mihring hi an han tam mai mai khawp a, nikhatah hian ar nuai engzat tak ei hlawm ang maw? Dr.B.V.Rao company din VH Group hi  English Premier League team, Blackburn Rovers F.C. leitu kha an ni.

Ran hi ka lo vulh nasa tawh a, artuilai layer  kan vulh lai hian thlamuang taka an awm a, a chaw pek tam lam leh a chaw  pek hun bithliah dik tak pek a,  rimawi, music  an ngaihthlak hian a tui tam duh bik tih ka hmuchhuak a. Thlasik lai hian ni a rei lo va, zanah current chhit sak hian an tui tam duh bik bawk. Ţhenawm khawveng chuan mi an  nuihzat duh hle! Chhim lamah broiler vulh tihhmuhtu ka ni leh bawk a, tunah chuan inrinni hian kawn tinah ar phuah sa lei tur a lo awm ta a ni.

Shillong bawngpui kan vulh lai pawhin thlasik khawvawh zual zan, a tukah a hnute a tlem bik ziah a, khawvawt avang khan an lo ţanga an mu tui thei lo va, a hnute a lo tlem phah vek a lo ni a. An bawhna a chhuatah chartin kan phah a, a in lum nuam taka kan siam hnu khan a hnute a lo tam leh ta a, a chaw pek tam lam leh a chaw pek hun hi inang pat, consistent se, a hnute tui hi a pangngai rengin a tam thei thin a. Bawngpui hi tuilumin ka bual fai thin a, an thianghlim hian a hnute tui a tam duh bik em em bawk a ni. Kan bawngpui pakhat Rangpuii kan tih phei chu nitin zing leh tlai lamah litre 15 thla 8 chhung kan sawr thei a, bawngpui ţha tak tak 4 kan nei a, kum 2 kan vulh hnuah 1997 kum khan Gypsy kan lei theih phah der mai!

Vetty lamain Biogas min rawn siamsak a, bawng in-ah nala kan siam a,Bawngek leh bawng zun chawlhpawlh chu Biogas-ah kan luanluhtir a, Gas a tam duh bik em em a, Biogas@ methane gas chu eirawng bawl nan a hman theih a. Biogas khur atanga rawn chhuak bawngek hmin tawh hi thlaiin an ring nghal thei a, a fur a ţhalin thlai tharlam tak tak a neih theih bawk a, thlai thar ei tam chu a lo hrisel em em leh zel bawk a, Bawng atanga chhuak reng reng, a ‘bu’ ri chauh lo chu tangkai lo reng reng a lo awm lo a ni.

Vawk pawh hi a in thiamghlim tak, ni hmu ngei, lum nuam takah vulh i la, a ţhang duh bik em em a ni.

An Ancona chicken
An Ancona chicken

 

A Polish Silver-laced Frizzle.
A Polish Silver-laced Frizzle.
A rare mottled Araucana
A rare mottled Araucana
A Silkie.
A Silkie.
A Brahma.
A Brahma.
A Spanish White Face.
A Spanish White Face.
A Call duck
A Call duck
Belgian Bantam
Belgian Bantam

 

A Little Red cockerel,Ka nau Suithanga ar insual huai Taihchiat ni awm tak a ni.
A Little Red cockerel,Ka nau Suithanga ar insual huai Taihchiat ni awm tak a ni.
A South Black Poland
A South Black Poland
A Japanese Bantam
A Japanese Bantam

Similar Articles

Top