You are here
Home > Asia News > AMERICA RAMIN MYANMAR RAM A HREK TAK TAK DAWN EM?

AMERICA RAMIN MYANMAR RAM A HREK TAK TAK DAWN EM?

AMERICA RAMIN MYANMAR RAM A HREK TAK TAK DAWN EM?

United States leh European Union chuan Myanmar ram chu Rohingya Muslim te chunga hlei an len avangin an hrek mai theih thu an puang a, Myanmar sipaite chuan he vauna hi an la chhang lo va, an la ngawihsan hmiah a ni.

sukyi

 Myanmar  defence minister Lt-Gen Sein Win chuan, Mi dangin eng tin nge kan chanchin an sawi kan hre lo, keini chuan kan ram leh hnam venhimna hna kan thawk mai a ni, a ti.

The State Counselor Office thupuangtu  U Zaw Htay  chuan inhrek hi a tuartu chu mipui an ni zel a, thil ţangkai lo tak a ni, a ti.

su

Kar leh  mai khian US secretary of state Rex Tillerson chu Myanmar ramah a zin dawn a, sipai lalber Snr-Gen Min Aung Hlaing nen an inbe dawn a, chutah chuan  Rohingya raltlante chungchang  Myanmar sipaite ngaihdan chu US hian an hriatchian theih a rinawm a, an hrek tak tak dawn leh dawn lohpawh a hraittheih chauh dawn a ni.

Myanmar ram kalphung hi khawthlang ramte hian an hre chiang tawk lo fo va, Democracy puilting ram ang tur hian an ngai sual fo va. A nihna dik takah chuan Sipai hi an la lal ber a, thuneihna pawh an nei ber fo. Defence lamah phei chuan Aung San Suu Kyi kutahthuneihna a awm lo va, Rakhine state-a emergency puan pawh a duh lo chung chungin  Sipai hotute’n an puang mai a. US hian a hrek tak tak phei chuan Aung San Suu Kyi leh Myanmar sipai Tatmadaw inkarah hem an thlak tihna a ni mai dawn a.

Khawthlang lam ram hruaitute leh NGO lamte’n Rohingya Muslim raltlan chungchangah Suu Kyi an dem rawn luai luai a, Suu Kyi hian a dinhmun dik tak hi puanchhuak se, Myanmar sipaite mawng a hlim a ni leh lawi dawn bawi si a, an selna ankan hi sepui ruah tuar tlawk tlawk kha a tihtur awm chhun chu a la ni  mai a ni.

Chulai boruak chu US secretary of state Rex Tillerson han zin hunah banga ziak angachiangin a hmu chiang turah beiseipui phawt mai teh ang.

 

Similar Articles

Top