You are here
Home > Zoram > AIR GOLDEN JUBILEE SOUVENIR TLANGZARH

AIR GOLDEN JUBILEE SOUVENIR TLANGZARH

AIR GOLDEN JUBILEE SOUVENIR TLANGZARH

All India Radio, Aizawl chuan an din champhaphak vawi 50-na lawmna programme chi khat atan an office kawt ah vawiin khan Golden Jubilee Souvenir tlangzarh inkhawm an buatsaih a. Hetah hian Finance Minister Pu Lalsawta khuallian niin souvenir magazine a tlangzarh a ni.

1556636_m

Pu Lalsawta chuan All India Radio, Aizawl rintlakzia sawiin radio puan a nih tawh phawt chuan mipuiin dik ngei turah an ngai a, thudik leh belchian dawl chauh puang thin an nih avangin an thupuan hian ngaithlatute rin a hlawh a ni, a ti. Electronic media leh inbiak pawhna hmanrua thang chak tak karah AIR chu engmahin luahlan lo se a duh thu Minister Pu Lalsawta chuan a sawi a. Ram hmasawnna atana tangkai tur thil pawimawh an puan chhuah thin chu amah ngei pawhin tuk tin a ngaihthlak thin thu Golden Jubilee Souvenir tlangzarh programme-ah hian a sawi a ni.

asas1

AIR, Aizawl Head of Station Pu DR Lalropuia chuan Minister Pu Lalsawta tanpuina avangin Aizawl Station in Digital Studio changtlung tak neih thuai an beisei thu a sawi a. Jubilee an lawm mekah thawktute intuaithar a, hmachhawp eng lehzual neih tuma taimak chhuah turin thawktute a fuih a ni.

cnzutnivmaaugk0

 

Golden Jubilee Souvenir tlangzarh inkhawmah hian Pu Biakchungnunga, Chairman, Jubilee Souvenir magazine chuan magazine buatsaih dan tlangpui sawiin Jubilee Organising Committee Secretary Pu Lalzidinga chuan jubilee lawm dan report a be bawk. Synod Book Room Manager Pu R.Lalmalsawma chuan vawi 100 chuang All India Radio, Aizawla thusawi tawhte aiawhin thu a sawi a. AIR, Aizawla vawi 100 chuang thusawi tawh mi 15 hnenah khuallian hian certificate a hlan a ni.

WRITTEN BY LALNUNMAWII, MIS, IPRO

DATED: 10TH NOVEMBER 2016, 4:23 PM | LANGUAGE: MIZO

 

Similar Articles

Top