You are here
Home > World News > AFRICA HNAM ZIARANG MAK DANGDAI 12

AFRICA HNAM ZIARANG MAK DANGDAI 12

AFRICA HNAM ZIARANG MAK DANGDAI 12
  1. Wodaabe, Gerewol- Africa khawmuaipuia ram pakhat Niger ram hmar lam Chad dil kamah hian kum tin fur ruahtui tlak zawh hlim hian Wodaabe tribal hnam chuan kut chi khat Cure Salee an tih hi an nei ziah a. Chu kutah chuan ran rual vengtu tlangvalte chuan Beauty contest an nei thin a. Beauty contesta tel tlangval rualte chuan make-up te, ngun leh țhi te, leh an thawnhnaw neih mawi ber berte nen an inthuam thin a. Ha var tak leh mitmu var tak nei hi mawi an tih zawng tak a ni a, kut rawn chhim nulate mit titlai tur leh an rilru hneha an intihsiak zana fawrpui tur thei turin an inthehthil thin a ni.

161111151825-wodaabe-tribe-gerewol-super-169

2. Mursi, lip plates–  Hmanlai Mizo nula leh nute’n saiha/saingho  bengbeh an beh ang khan Ethiopia ram Oma phairuam Jinka hmuna cheng Mursi hnam hmeichhia te chuan an hmuiah dhebi a tugion  an vuah ve thung a ni. A naupan lai atangin an hmui hnuai lam an verh a, a kua zau turin thing an dah lian zel a, an lo puitlin hnu chuan an hmuia an ornamental ceramic saucers dah hi a lai hawlhtlangin 19.5 cm laite a ni thei a, hetiang incheina hi mi mit a la hle a, mawi pawh an ti a, archeologist te laihchhuah atangin hetiang dhebi a tugion  hi kum 3,000 kal ta daih atang khan Mursi hnam hian inchei nan an lo hmang tawh a ni, an ti.

161117165850-mursi-lip-plate-super-169

3. Himba, otjize– Namibia ram hmar lama cheng Himba hnamte chuan an sam leh an vun rawng chei nan otjize an hmang thin a. Otjize hi butter, sathau leh rawng sen duk (red ocher) chawhchawrawi atanga siam a ni a. Hmanlai chuan ni sa em tur leh thosi leh vaihmite laka invenna atan  hman a ni thin a, tun hnuah chuan hmeichhiate’n incheina atan an hmang ta a ni.

161110161805-himba-woman-super-169

4. Hamar, bull jumping– Ethiopia ram Oma phairuama cheng Hamar hnam mipa tleirawlte chuan puitling an nih leh nih loh fiah nan saruak ngal ngatin bawng dinglai 4 an insuankahlensiak thin a. Chutiang zuankahlen theite chauh chu nupui nei tlak leh chhungkaw din tlakah an ngai a ni.

161110162545-hamar-tribe-bull-jump-super-169

5. Xhosa, Ulwaluko– South Africa ram Eastern Cape-a Xhosa hnam mipa tleirawl chi thlah țan thei chin  rawltharte chu ‘abakhwetha’ an ti a, na chhawkna leh anesthetic hmang lovin Ulwaluko an tih  an serh vun hmawr  tansakna an nei   Chumi  hnu ramhnuaia anmahnia an ei leh in tur ngaihtuahchawpa an khawsakna tur buk khawtlangin an saksak an pan lai chuan puan var an sintir a, an hmai an hnawih rang bawk a. He buk atanga an rawn chhuah  hnu hian puan dang an sintir a, khawtlangah puitliang anga ngaih an lo ni ta thin a ni.

161118162120-xhosa-initiates-super-169

6. Nyau Brotherhood- Zambia, Zimbabwe, Malawi leh Mozambique rama cheng Chewa tribal te, Bantu țawng hmangtute zingah hmeichhia hi an lal zawk a, chhungkaw roreltu an ni a. Heng hnam zingah hian an bawlpu te chu Nyau an ti a, zawlnei kan tih ang deuh ramhuai ko chhuaka tilungawi theia ngaih an ni a, buhseng lai leh inneih nikhua-in serh leh sang, Gule Wamkulu  an la khawihtir thin a ni.

150501153547-nyau-mozambique-vlad-sokhin-3-super-169

7. Maasai, spitting– Chil inchhak khum hi khawvel hnam tam tak zingah thinurna hrikthlakna emaw inhmusitna emaw anga ngaih a nih laiin mak ang reng takin Africa khawmualpuii  khaw chhak lama cheng Maasai hnam zingah chuan malsawmna leh induhsakna a ni ve hlauh thung. Nausen lo piang te hi a entute hian  a lu chungah chil an pik thin a, an chungkhat lainate lam hla taka an zin dawnte hian a thlahtute chuan a zin tura te lu chungah chil an pik thin a ni.  

161121133313-maasai-woman-singing-super-169

8. San, healing dance- South Africa, Botswana, Angola leh Namibia rama cheng San tribal te hi khawvela hnam upa berte zinga mi niin hmanlai Africa chanchin zirbing mite chuan an sawi a, an khawsakphung hi an la thlak danglam ve lo va, sa pel mi an ni a, thala an sa kahte leh ram hnuaia theirah te hi chaw-ah an la ring ber a. He hnam mak dangdai em em-na chu an inthawidam dan hi a ni a. Zanah meipui an chhep hluah a, zankhaw tai rekin an lam an lam a, an zai reng a, eng emaw hi an chhamphual reng bawk a, hlimsangho nikhaw hre lova an awm ta ang deuh hian ramhuai emaw phungin emaw  a zawl ta emaw tih tur hian an lo awm ta thin a. Chu chu an dam phah ve thin bawk niin an sawi a ni.

161110161218-san-bushman-hunting-super-169

9. Bantu-speaking tribes, lobola- South Africa, Zimbabwe leh Swaziland ram cheng Bantu tawng hmang tribal te chuan nupui pasal neih dawna palai hna, lobola  hi an la la puithu hle a, nupui man leh mual atan “ Bawng eng zat nge? nge tih a la ni ber. 1998 kuma Nelson Mandela nupui Graca Machel man pawh khan bawng 60 a ni, an ti.

161118094903-zulu-tribe-mandela-funeral-qunu-super-169

10. Tuareg, tangelmust– Africa khawmualpui thlalera cheng Tuaregs hnam zingah mipa-in an puan sei takin an lu an la khuh tlat a, mikhual leh hmeichhe hmaah pawh an khuh tlat zel. An puan sei zawng hi feet 25 lai a ni a, an hnam zingah hmeichhia-in an lu leh an hmai an khuh ve lo thung. An puan lukhuh hi thlaler ni sa leh thlaler vaivut hliahtu tha tak a ni a, zanah leh an chawei lai pawhin an lu chu an khuh tho a ni.

160901171836-tuareg-3-super-169

11. Bodi, Ka’el obesity pageant –  Intihthausiak hi khawvelah inelna vang dangdai tak a ni a, Ethiopia ram Omo phairuama cheng tribal hnam chi khat chuan June emaw July thla emawa thla bial lai hian tlangval inthausiakna an nei thin a. He intihsiaknaa tel tur tlangvalte chu a hma daih atangin bawnghnute leh sathau leh bawng thisen chawhpawlh an lo ei nghek zel a. An intihsiaknaa a thau ber leh dul kiar ber chuan pakhatna lawmman an la thin a ni. Hetianga an intihsiak zawh hnu hian chuan chaw pangngai an ei a, an lo ria ve leh mai thin a ni.

161117174537-body-belly-competition-restricted-super-169

 

12. Dassanech, recycled jewelry – Anthropologist Dr Jerome Lewis of University College London chuan , Tradition han tih hian a ngai reng tihna a ni lo va, hun a inher danglam ang zel hian culture pawh hian thil thar a dap ve zel a, tradition pawh hi a danglam ve hlek hlek zel a ni, a ti a. A sawi ang chuan Ethiopia ram Oma phairuama cheng Dassanech tribal tleitirin hian incheina atan tleureuh anih phawt chuan a hmang tangkai thiam vek a, bottle chhin te, sana chhia leh leh engkim mai hi inchei nan a hmang thiam vek mai a ni.

161202122048-dassanech-bottle-top-super-169

160422102357-restricted-mundari-cow-tribe-south-sudan-medium-plus-169

Fashion comes and goes, but style remains forever.”

-Translated & published by Familia Fanai Laltansanga

Dated: 6th December 2016 | Lunglei

Similar Articles

Top