You are here
Home > Asia News > AADHAAR! AADHAAR TI RENG MAI! AADHAAR SAWI LOVIN KAN AWM THEI LO!

AADHAAR! AADHAAR TI RENG MAI! AADHAAR SAWI LOVIN KAN AWM THEI LO!

AADHAAR! AADHAAR TI RENG MAI! AADHAAR SAWI LOVIN KAN AWM THEI LO!

Thawhţanni khan Delhi police te chuan UIDAI-a thawk officer FIR thehluh chu an register a, he chanchin hian India ram mipuite chu chukchu ben ţhelh an sawi ang maiin  min titang hru ta mai a. Journalist pakhat chuan Aadhaar card neitu maktaduai sang khat lai an nihna leh an bank account thlenga ruk a rala put ru ( data breach) awm angin chanchinbu-ah  a ziak a,  hei hi a dik lo va, inbumna mai a ni tiin UIDAI (Unique Identification Authority of India) official hian Delhi Police-ah he journalist hming ziak langin FIR a thehlut ta a ni.

A ngaihna hre lo va mipui an phawklek tak chiam avangin UIDAI chuan Nilaini khan Aadhaar card venhim nan Virtual ID siam a tum thu a puang ta a, Aadhaar card leh number hman kher ngai lovin Virtual ID hi a hman theih dawn a, March thla atang khian mi vbc 119 hnenah Virtual ID, digit 16 awm hi pekchhuak a tum ta a ni. Tichuan, Aadhaar card number digit 12 awm hi hman kher ngai lovin, Aadhaar card aiah Virtual ID hi a hman theih dawn a ni.

Hemi chungchang hi sawiin Aadhaar card siam dan ngaihtuahchhuaktu Unique Identification Authority of India (UIDAI) Chairman hlui  Nandan Nilekani chuan nimin khan Aadhaar tihbawrhban leh sawichhiat  tumna lian tak a awm thu a sawi a, Aadhaar hi a him tawk a, a himna atan security thuah hnih, thuah thum kan siam a, chutiang mai maiin Aadhaar card neitute nihna leh an account numberte hi midang hena a ruka pekchhuak theih a ni lo reng reng. A tha lo zawnga ngaihtuahna kan neih chuan kan thiltih pawh a tha lo zawng a lo ni zel a, Aadhaar card hi a tha em em a ni tih kan pawmtlana a ţha zawnga kan hman hi ka duh em em a ni a ti.

A sawi zelnaah Nilekani chuan Aadhaar hi kan hman reng tawh ka ring a, eng vang nge tih chuan mi vbc 119 laiin Aadhaar card hi an nei tawh a, mi mtd 500 laiin an account nen an thlunzawm tawh avangin pawisa vbc 95,000 chu DBT account kaltlangin an inthawn thei ta a, a him bik em em a ni, a ti a, Supreme Court pawhin Aadhaar card hian fundamental right of privacy a bawhchhe lo tih a pawm ngei ka ring a, dan leh hrai mit atang pawhin Aadhaar hi a tha a, a rintlak em em bawk a ni, a ti.

nandan-nilekani_650x400_41503676273

AADHAAR INHNIALNA LA KAL TLUANG ZEL – May 5, 2017

Income tax returns theh luh rualin Aadhaar card number@biometric-based personal identification number theh luh tel ngei ngei tawh tur a ni tih sorkar laipui dan siam chu court-a khen thlak a tumna lamah Ukil Shyam Divan chuan Supreme Court-ah “ Ka kutzia leh ka mitnaute hi ka taksa, ka ta an ni a, sorkar hian min laksak thei ngawt ngawt lo a ni” tiin ţan a khawh a. Chuta Supreme Court thuchhuak chu, “ India khua leh tuite hian an taksa-ah absolute right an nei lo.” tih a ni!

A awmzia chu miin a taksa a duh duhin a sawisa thiang lo ang bawkin a kal, kidney pawh a nawm a makin a hralh ngawt thiang lo. Sorkar chuan a khua leh tuite nihna dik tak a hriat theih nan an kutzungţang 10 kutzia leh mitnaute thlalak a kawl ţha thiang a ni, a tihna a ni.

Mitthi vuinaah ka kal ve a, pa pakhat hian, “Lunglei chanchinbu-a I thuziakte hi ka lo chhiar ziah a, UID hi a hlauhawm lohzia I rawn ziak dawn emaw ka lo ti a, mihlim thenkhat hian an insawiţhaihsiak a, kohhran atanga hming thaichhia te pawh an awm a, rawn ziak hram teh a” a ti a. Kei ta pek chuan, “Khawchhak lung lum hlauho tih awm tawk velah ka lo ngai mai asin, mi pangngai chuan an hlau lo tawp ang” ka ti a.

Tunlai hian bank lam pang atangte-in Aadhaar car number an dil ta a, thil engkimah sorkar department lam atangin an dil ta reng bawk a. A buaithlak deuh e, ti mai lohvah chuan a lawmawm lam vek a ni a, kan chanvo dik tak kan chan theihna tura sorkar laipuiin pawisa tam tak, amaka maktaduai tam tak senga a khua leh tuite an dikna chanvo an neih theihna tura hmalakna hautak em em mai a ni tih hi hre ta phawt mai ila.

Mizoram zimte-ah pawh hian mahni chanvo la chang pha lo hi an lo tam khawp mai a. Kum 70 lai India ram independence hnu pawh hian Parva I, II, III leh Damdep I & II tih velah khuan Current an la nei reng reng lo a nih chu! Pastor pakhat chuan Parva khuaa Electric eng pek a ni tawh tih inziak signboard intar chu a la tla lawk a, a paih daih mai a ni.  Pathianin lei leh van a siam tirh ata Parva khua khuan P & E Department atang electric an la chhi lo reng reng. Parva leh chhehvel khuaah Right To Free and Compulsory Education Act hi a la thleng pha lo bawk a, midday meal te pawh an headmaster ten an eiru zo vek! An sikul lei chhuat phut takah  bawng-ek leh kel-ek a tam fu! Mihring rilru sualzia hi rapthlak ka ti tawp!

Mizoram, Kristian ram inti zimte-ah pawh chutiang thil chu a thleng reng a, India ram zau lutuk tak maia thingtlang khaw chengker tak taka lehkhathiam lo, mihring vaibelchhia vaibelchhe  tel hian sorkar  laipui atanga an chanvo leh an hamţhatna hi an chang lo va, sorkar hnathawkte leh ram hmangaih politician te hian an eiruksak zel mai a ni.  “A tling hmasa Lalngovin thal zo zel e” tih ang khan mipui hamthatna hi sorkar hnathawk, bureaucrats te hian a thal zo zel, thal zo zel mai a ni.

India ram khua leh tui dik takte hian kan chanvo leh kan hamţhatna chi hrang hrang, (eg. Subsidies etc…) sorkar laipui atanga lo kal, lo lambuntu awm tawh lova kan dawn theihna turin Nandan Nilekanithe technology tycoon-in he ruahmanna, biometric-based personal identification hi a siam a ni a, a ţha em em a ni.

Tunah hian kum 8 chhunga India sorkar laipuiin a khua leh tuite an nihna dik tak a chhinchhiah tawh zat hi billion khat chuang a ni tawh a, hetianga mahni khua leh tuite chhinchiah tam hi khawvel ram dangah an awm lo. Heng an chhinchhiah tawh zinga mtd 65 hian passport an nei a, mtd 200 hian driving license an nei. India ramah mihring 1.2 billion kan awm mek a, chung zinga 1 billion aia tam  chhinchhiah tawh chu thil ropui tak a ni. 90% aia tam an chhinchhiah tawh tihna a ni.

Aadhaar (Foundation) chu quata lak nan te, pension lak nan te, schorlarship lak nan te, gas man subsidy dawn  nan te, NREG hlawh lak nan te, sorkar laipuiin welfare scheme 500-1200 lai tanga hamţhatna pawisa dawn nan te kan hmang ţangkai tawh dawn a, kan chanvo kha midangin min chhuhsak thei dawn tawh lo a ni. Jio chuan Aadhaar car number hmang tangkaiin awlsam takin subscriber te a identify zung zung thei a, subscriber mtd 100 aia tam a nei thuai ta mai a, Aadhaar hian thil tih vel hi a tiawlsam hle tawh zawk zel dawn a ni.

Tunlai titi titamtu ber chu kan biometric data hi sorkar kutah a him tawk em, a put ru palh thei ang em? tih hi a ni a. Sorkar laipui chhanna chu: heng mi billion 1 aia tam biometric data hi encrypted form-a dahţhat vek a ni a, a him tawk a ni tih a ni a. Aadhaar card number chu a leak ngei a, biometric data erawh a put ru lo a ni.  Nandan Nilekani  pawhin,  I privacy himlohna ber chu I smartphone kha a ni zawk, a lo ti ve mek bawk a ni.

Chuvang chuan Aadhaar@UIDAI lo sawi sakawlh vak vaktute  thu hi chu bawm ak thu, zu khawn chang lo thu, thu vuvuk mai maiah I ngai ang u.

AADHAAR! AADHAAR TI RENG MAI! AADHAAR SAWI LOVIN KAN SAWM THEI LO!
AADHAAR! AADHAAR TI RENG MAI! AADHAAR SAWI LOVIN KAN SAWM THEI LO!

AADHAAR HIAN EIRUK TUR SUM $9 BILLION A HUMHIM – Nilekani – October 13, 2017

Aadhaar, Aadhaar kan ti reng a, kan ning em em mai a, phunchiar bawm kan siam hi a ni ringawt mai a, Aadhaar ngaihtuahchhuaktu mithiam chungchang , India ram software services company lian ber dawttu Infosys non-executive chairman Nilekani, kum 62 mi chuan World Bank buatsaih Digital Economy for Development chungchang Washington khawpuia sawihonaah , Aadhaar Card Scheme hian India rama eiruk tur sum $9 billion a venghim a ni, a ti.

International Monetary Fund (IMF) leh  the World Bank annual meeting behbawm sawihonaah Unique Identity Development Authority of India (UIDAI) chairman hlui Nilekna chuan India rama mi 1 billion aia tamin Aadhaar card hi an nei tawh a, billion zatve laiin an Aadhaar card leh an bank account thunzawm a nih tawk avangin inbumna leh hming lem hmanga eirukna a bo ta duak a, Sorlai laipui chuan sorkar laipuia sorkar hnathawhte leh state sorkara sorkar hnathawkte khawih chingpen theih loh turin pawisa $12 billion chu a hamthatna dawngtu tur dik takte account-ah electronically leh digitally-in kan deposit theih ta a, eiruk tur sum a mak a maka tam ka venghim theih ta a, a thlenna tur dik takah a thleng thei ta a ni, a ti.

Mizoram ang Mihring nuai 11 vel lek awmnaah pawh Kristian ram kan inti reng chung hian eirukna hi kan phoro hlei thei lo chu a ni ber a, Bihar te, Uttar Pradesh te ang mihring leh mimawl tam lutuknaah khuan State sorkara sorkar hnathawkte eiruk nasat dan tur zia hi sawiin a siak lo a ni ber mai a. Chuvangin Aadhaar card hi a ṭha em em a ni tih ka sawi kha ka han sawi nawn leh a ni.

Tin, entawntlak tak pakhat sawi loh theih loh a awm bawk a. He Unique Identity Development Authority of India (UIDAI)  hmalakna hi Sonia leh Manmohan Singh te flagship programme ropui tak kha a ni a, an tlak hnuah pawh BJP sorkar a fawng chelhtu Prime Minister Narendra Modi, leh Finance Minister Arun Jaitley-te hian phur em emin an rawn bawhzui zel mai hi an fakawmin an chhuanawm em em a ni.

Tin, sawiselna tam tak karah NREGA( National Rural Employment Guarantee Act 2005 (NREGA), ahnu-a Mahatma Gandhi National Rural Employment Guarantee Act (MGNREGA an tih tak ) hi ropui ta ti bon tawp a, ruling party duhsakna bik a awm lo va, mi tin tan a ni tawp mai a, he scheme ropui tak hian;-

 “WE, THE PEOPLE OF INDIA, having solemnly resolved to constitute India into a SOVEREIGN, SOCIALIST, SECULAR , DEMOCRATIC REPUBLIC and to secure to all its citizens:

JUSTICE, social, economic and political;

LIBERTY of thought , expression, belief, faith and worship;

EQUALITY of status and of opportunity; and to promote among them all[6]

FRATERNITY assuring the dignity of the individual and the unity and integrity of the Nation;

IN OUR CONSTITUENT ASSEMBLY this twenty-sixth day of November, 1949, do HEREBY ADOPT, ENACT AND GIVE TO OURSELVES THIS CONSTITUTION, a tih laia JUSTICE, social, economic and political tin inziak khi a rawn tipuitling ta chiah a ni. India khua leh tui tinte chanvo tur Ruling party mi leh sa chauh induhsak vak vak a, invur vak vak hian he Constitution Preamble hmathlir leh duhaisam hi a kalh tlat a ni.

Intih theih vang ni hauh lovin Aadhaar thatzia han sawifiah nen thil pakhat chiah: keni tan nitla vanvuaia NREGA inhlawhnaa tel ve a mawi si lo va, thawh loh hlawh lo paipawn ringawt kha a chi bawk si lo va, kan veng Higer Secondary School tan ka NREGA hlawh hi ka thawh ve e, ka ti a, Aadhaar leh ka bank account a inthlunzawm hnu hian kan Veng VC te kutah ka NREG hlawh hi a lut tawh reng reng lo va, ka account ziah a rawn lut ta zat zat a. Higher Secondary managing board kuta ka thawhhlawm hlan leh tur chuan ka account atanga ka lakchhuah phawt a, an hnena ka hlan kha a lo ngai ta a. Ka sum ka chanvo kha mi dang kutah a lut thei ta reng reng lo a nih chu.

Mizorama hlimsang kal sualho, Unique Identity chhinchhiahna sakawlh anga sawiho kha chu hawi hil reng se a ni mai a, an chavo hamthatna pawh sorkar hnathawkte’n an lo eiruksak a nih pawhin ui tang hawlh beh angin chiau chiau lo mai se a ṭha khawp ang.

 

Similar Articles

Top