You are here
Home > World News > A VAWTU-IN EK A CHEH!

A VAWTU-IN EK A CHEH!

US President Donald Trump-a rinrawl ber leh a kaihzavengtu bertu lo ni ţhin Steve Bannon chuan right-wing Breitbart News organization-a a hna a bansan leh ta.

Bannon hi Donald Trump khan White House-a chief strategist atan a ruat a, thuneihna inchuh avangin Bannon hi ban a ni a, a hnu-ah Republican party Senate candidate atan a  thlawp Roy Moore chu Alabama special election-ah mawngsawh dawm khawpin a tla a.

Michael Wolff ziak lehkhabu “Fire and Fury”-ah Bannon thusawi, Donald Trump Jr-a te’n kum 2016 US presidential election dawn laia New York-a Russian ukil an hmu kher kha ram leh hnam phatsanna ang, “ treasonous”-a a ngaih thu ziah lan a ni a.

Tichuan, tunah hian Breitbart executive chairman a nihna atangin a bang leh ta a, ropuina ram atangin a intel-te tial tial a, pa ropui leh mi ngaihsan hlawh em em thin kha  a lȇi a ven that loh avangin a inti-dere zo va, a tlachhia chu a ni ta ber e.

Similar Articles

Top