You are here
Home > World News > A VAWTU-IN EK A CHEH? – Familia Fanai Lalltansanga

A VAWTU-IN EK A CHEH? – Familia Fanai Lalltansanga

A VAWTU-IN EK A CHEH? – Familia Fanai Lalltansanga

US Presidential election azawngah nikum Donald Trump leh Hillary Clinton-te inbeihna kha a la buarchuar berin a la chiri ber awm e.

James Comey
James Comey

Ka inthlan tibuarchuartu, a kaikuang nia hriat FBI director James Comey chu US President Donald Trump chuan a ban ta hmiah mai a. Khatianga sorkar mi pawimawh tak zan khat thilthu-a  ban a nih tak avangin America rama sorkar milianho chu chukchu ben ţhelh an sawi ang maiin an rilru a phili-in a chiai zo ta a.

Hillary Clinton pawlte chuan inthlan dawn ţepa email chungchang thubuai tharthawhlehtu James Comey ban a ni ta thut hi an lâwm lo va, an ngaih a ţhat loh thu an sawi a. Donald Trump-a’n heti teh thuta a banna chhan hi FBI hian Donald Trump campaign leh Russia inlaichinna an chhui ţanna tihbahlawh nan a ni e, tih ngaihdan lian tak a awm mek bawk a.

US justice Department inspector general chuan Comey thil tih dan leh hmalak dante hi chipchiar takin a chhui mek reng a, chutih mek laia zan khat thil thu-a sorkar mi pawimawh lutuk ban a ni ta thut hian mipui ngaih a tiţha ta lo hial zawk a. Donald Trump chuan , ‘Comey hi Washington-a Democrats leh Republican party hruaitute  pawhin an ring ngam tawh lo va, ka thil tih hi nakin lawk, boruak sa a daih hunah miin an la fak em em vek dawn a, ka chungah an la lawm em em vek dawn a  ni,’ a ti thung a ni.

_95991983_trump_comey976getty

Engkim tan hian hun ruat a awm a, van hnuaia thiltih zawng zawng tan hun remchang a awm: Pawm hun a awm a, pawm loh hun a awm tih ziak ang khan James Comey hi pa lian, feet 6 leh inces 8-a sang, mi ngaihsan hlawh tak a lo ni thin a. President George W. Bush hun laia secret wiretapping chungchangah khan President ţhuihruaite’n ti tura an tih kha a ti duh lo va, a hming ţhat phah hle reng a. Kum 2013 kuma Senate in vote hmanga FBI director atan lak khan James Comey hian vote 94-ah 93 a  hmu hial kha a ni a. Khatih lai kha Washington khawpuiah hmelma a nei lo a ni. Donald Trump-a’n a han ban meuh chuan a thlavang hauhtu pakhat mah a nei ta lo va, ţhian ţha leh rinthlak a lo nei ta reng reng lo a ni. Lianchhiari zai, “Kan va tih luatah lengin ka zir sual e” a tih ang kha a ni ta em ni le?

Kum 1973 khan President Richard Nixon chuan Watergate thubuai chhuitu special prosecutor chu ban turin  Justice Department thuneitute a hriattir a,  an ban duh loh avang khan Justice Department thuneitu tam tak a ban thut hlawm a, “Saturday Night Massacre” an tih phah hial a. Kha thil thleng nen pawh khan Donald Trump thil tih hi khaikhin loh theih pawh a nih lohna lai a awm a. Inthlan laia Donald Trump campaign leh Russia inlaichinna chhui chian a nih mek lai takin FBI director chu ban a ni ta si a ni.

House intelligence committee member leh Democrat Congressman ni bawk Adam Schiff chuan FBI thil chhui lai mek mak dangdai taka tihtawp tumna a ang hle a ti a, Republican Senator Richard Burr meuh pawhin FBI director an ban hun tak hi a rinhlelhawm hle a ni a ti a ni.

James Comey hian a thiltihte avangin a hna hian tuar dawn mahse tuar a huam thu a lo sawi thawi tawh a, FBI director a nih ang hian a hnuaia thawk officer te lak atanga inpawh loh (distance) a ngaih avangin a thawhpui tumahin an nel thei tawh lo va, FBI director hmasa leh pa ropuileh rorum zet mai, J. Edgar Hoover ang deuh khan a thuneihna lek kawh ngam tur chuan a hnuaia thawkte nen innel loh ngam a ngai si a ni.

James Comey hian J. Edgar Hoover-a’n a thuneihna a hmansualna pakhat Martin Luther King Jr. thiltih leh thusawi an lo ngaihthlakruk, wiretapping chungchang ziakna lehkha copy pakhat chu a office dawhkan chungah a dah khiau mai a, a ni anga thuneihna hmansual laka inven nan a ti a nih a rinawm a.

James Comey hian Clinton email chungchang a hmalak dan kha a dik lo nge, hmelma a ngah phah hle ni chuan a lang a ni.

November thla US Presidential election hma khan Justice Departmenta thawk prosecutor pakhat vuina-ah James Comey hi a tel ve a, “Kan vui tak mitthi ang mai hian FBI-ah pawh thawhpui ţhian ţha ka nei tawh lo mai awm mang e,” tiin fiamthu a tawh a.

A fiamthu tawh ang tak tak chuan tunah hian James Comey hian zan khat mitchhin lo tawk palh ta se, a vuinaa tel an tlem hmel ta hle a ni.

Keima mimal suihlung mawl ngaihdan mai mai chuan James Comey hi a vawtuin ek an cheh an tih ang khan Jutice Department hnuaia sorkar hna thawk ni chung siin US Presiential electionah a ring a rawlh thuk lutuk a, mi ropui Hllary Clinton a vaw chhia a, a vawtu hian ek a cheh ta ni berin ka hmu a. A chi tuh rah a seng niin a lang a ni. FBI director kum 48 zet chelhtu J. Edgar Hoover ang bawk khan a nihna leh a thuneihna a hmang sual a, Donald Trump-a’n a ban thut hi America khua leh tuite tan thil ţha tak a nih ka beisei a ni.

James Comey hian a thawhpuite hnenah lehkha  a thawn a, thil chu a nih tur ang a ni zo tawh a, an banchhan chungchangah buai leh hun khawhral a tum loh thu a ziak a, ani chu ngaihtuahawm a nih loh thu leh engkim a fel thu a ziak a, thil dik taka tithin FBI-a a thawhpuite a kalsan tur erawh hreawm a ti a, America ram mipuite tan dikna lungpui ni zel turin a fuih hlawm a ni.

Power corrupts and Absolute power corrupts absolutely tih thufing a awm a, ka ‘pu’ M.Lalmanzuala ngaihdan phei chuan Mizorama officer lian te leh minister te hi chuan an thuneihna hi an hmang sual (abuse of power) vek hlawm a ni.

The Federal Bureau of Investigation (FBI) hi America ram chhung intelligence leh security lam hnathawktu an ni a, thupek kenkawh nghal theihna nei federal law enforcement agency an ni a. Central Intelligence Agency,  CIA hi chuan dan leh thupek kenkawhna lamah thuneihna an nei lo thung a ni. Ram chhung venhimna lama mawhphurtu ber an ni nachungin FBI hian ram danga U.S. embassies and consulates-ah te hian office tenau 15 lai an ni bawk a ni.

FBI hi kum 1908 khan din tan a ni a, a tir chuan Bureau of Investigation an ti a, kum 1935 khan a hming hi Federal Bureau of Investigation (FBI) tiin an thlak ta a, an headquarters chu Washington khawpuia J. Edgar Hoover Building hi a ni a. FBI motto chu; Fidelity,Bravery, Integrity tih a ni a, mi 35,104 an ruai mek a, an kum khat budget hi $ 8.3 billion lai a ni. Suamhmang leh mi sual tawrawt Pretty Boy Floyd te, Baby Face Nelson te leh  Machine Gun Kelly te an hnu an chhui dan, an um dan leh an kah hlum dan te kha a ngaihnawm mai mai khawp mai. Thawthu phuahchawp aiin a a ngaihnawm zawk.

John Edgar Hoover (January 1, 1895 – May 2, 1972) kha FBI tichangtlungtu a ni a, a strict em em a, FBI agent zinga hmeichhe saruak lem chuanna Playboy magazine lei thin te chhiahchhiah hmak hmak a, blacklist ching a ni a. A lo chak ta lutuk a, America ram politiciante mimal chanchin thlengin a chhuiin a chetchhiatna lai chanchinte  a kawl thlipthlap vek ta a, US President Richard Nixon meuh pawh khan a ban ngam lo hial a ni.  FBI hian chetţhatna tam tak an neih laiin chetchhiatna leh mualphona an nei ve tho mai a. Martin Luther King Jr. enthlak chungchangah leh President Jonh F. Kennedy thih chungchangah khan FBI an mual pho hle thung a ni.

 

✔@realDonaldTrump

  • Comey lost the confidence of almost everyone in Washington, Republican and Democrat alike. When things calm down, they will be thanking me! -Donald J. Trump

 

  • ✔@realDonaldTrump
  • The Democrats have said some of the worst things about James Comey, including the fact that he should be fired, but now they play so sad! – Donald J. Trump

 

  • ✔@realDonaldTrump
  • James Comey will be replaced by someone who will do a far better job, bringing back the spirit and prestige of the FBI – Donald J. Trump

170509192018-james-comey-lichtblau-medium-plus-169

James B. Comey sent a farewell letter to colleagues Wednesday, a day after he was fired as FBI director by President Trump. CNN was first to obtain the letter. We have annotated Comey’s message, using Genius. To see an annotation, click on the yellow, highlighted text.

To all:

I have long believed that a President can fire an FBI Director for any reason, or for no reason at all. I’m not going to spend time on the decision or the way it was executed. I hope you won’t either. It is done, and I will be fine, although I will miss you and the mission deeply.

I have said to you before that, in times of turbulence, the American people should see the FBI as a rock of competence, honesty, and independence. What makes leaving the FBI hard is the nature and quality of its people, who together make it that rock for America.

It is very hard to leave a group of people who are committed only to doing the right thing. My hope is that you will continue to live our values and the mission of protecting the American people and upholding the Constitution.

If you do that, you too will be sad when you leave, and the American people will be safer.

Working with you has been one of the great joys of my life. Thank you for that gift.

Jim Comey

Similar Articles

Top