You are here
Home > Zoram > A.H & VETY. MINISTER LEH MULCO BOARD OF DIRECTORS TEN MULCO COMPLEX TLAWH

A.H & VETY. MINISTER LEH MULCO BOARD OF DIRECTORS TEN MULCO COMPLEX TLAWH

A.H & VETY. MINISTER LEH MULCO BOARD OF DIRECTORS TEN MULCO COMPLEX TLAWH

February ni 9 Zirtawpni khan A.H & Vety Minister Pu C.Ngunlianchunga  leh Minister of State for Cooperation Pi Vanlalawmpuii Chawngthu chuan Mulco Complex Thuampui an tlawh a, he hunah MULCO Board of Directors leh Thuampui Local Council memberten an telpui bawk. MULCO complex chhung ah hian Pasteurization Unit, Packaging Unit leh Processing Hall te an tlawh a, bawnghnute sawngbawl dan leh bawnghnute atanga eitur chi hrang hrang siam dan te an en ho bawk.

 2_1518242473

AH & Vety. Minister Pu C. Ngunlianchunga chuan thu sawiin Gujarat-a Milk Cooperative Society, AMUL ang khuan MULCO pawh hian Mizoram chhungah bawng vulh tute chak zawk a phuar khawm in nasa lehzual in  hma ala sawn theih ngei a rin thu a sawi a, Society 39 zingah 9 lai function lem lo an awm chu pawi atih thu sawiin, bawnghnute processing capacity litre 15000 anih laia an dawn zat erawh litre 6700 bawr vel chiah ala ni chuan bawng vulh kawngah tan lak thar a tul zia tarlang, a ti a. MULCO Board of Director leh Managing Director te kaihhruaina hnuaia hma an lakna hrang hrangte chu fakawm a ti a, Society chuan NEDP te pawh tangkai taka chhawr ve tura chahin, bawnghnute leh bawnghnute atanga eitur an siam chhuah te chu ram pawn thlenga hralh chhuah theih thuai tura tan la turin a chah bawk a ni.

 1_1518242466

He hunah hian Pi Vanlalawmpuii Chawngthu chuan MULCO Board member te chu an fakawm a tih rual in an term an chelh chhung in hmasawnna kawng engemaw tal neih belh zel tum turin a fuih a. Bawnghnute leh bawnghnute atanga eitur siam chhuah hrang hrangte zingah mipuiten company dang kutchhuak aiin MULCO kutchhuak kan thlang zel hian MULCO kan hlut zia a ti lang chiang hle a ti bawk.  

MULCO Conference hall ah MULCO board chairman Pu Vanlalchhunga kaihhruaiin inkawm hona hun hman a ni a, Managing Director Dr. Lalremliana’n power point presentation hmangin MULCO din tan dante, an hmalaknate leh tuna an dinhmun te a tarlang a, hemi zawh hian chawhlui kil hona hun an hmang nghal bawk.

MULCO hian kum 2016-2017  chhung khan bawnghnute litre 1,528,149.38 hralh chhuakin hralhna man atangin Rs 92,493,545 hmuh a ni a, bawnghnute atanga sweets leh products dang siamchhuah hralhna atangin Rs 19,415,752 hmuh a ni bawk. Hemi chhung vek hian agent te hlawh atan sem zat chu Rs 4,382,374 a ni. MULCO hian an society hnuaia bawng vulh tute tan Feed subsidy, medicine subsidy leh Artificial insemination ah subsidy an pe mek bawk.

WRITTEN BY HMINGTHANZUALA MIS, IPRO

DATED: 10TH FEBRUARY 2018, 11:31 AM | LANGUAGE: MIZO

 

Similar Articles

Top